Alimlər dəniz suyu içə bilən meymunlar aşkarlayıblar

Almaniya və Vyetnamdan olan beynəlxalq alimlər qrupu Vyetnamın Kat Ba adasından olan lanqur meymunlarında sağlamlığa zərər vermədən dəniz suyu içmək qabiliyyətini aşkar ediblər.

Avtosfer.az “Report”a istinadən xəbər verir ki, bu barədə tədqiqat Nature Communications (NatComms) elmi jurnalında dərc olunub.

Kat Ba adasından olan lanqurlar dünyanın ən nadir primatlarından biridir. Son hesablamada növlərinin sayının 85 fərddən çox olmadığı məlum olub.

Tədqiqatçıların fikrincə, son dərəcə həssas vəziyyətlərinə baxmayaraq, lanqurlar öz yaşayış mühitinə uyğunlaşa bilib və şirin su çatışmazlığı şəraitində yaşamaq qabiliyyətini inkişaf etdirib.

Mütəxəssislər hesab edir ki, meymunların duzlu suya daha az həssas olmasına səbəb genlərdəki dəyişikliklərdir.