Alkotesteri saqqızla aldatmaq mümkündürmü?

İçki məsələsində nəfsinə hakim ola bilməyən sürücülərin uydurduğu bəhanələrin, yanlış inancaların sayı-hesabı yoxdur. Maraqlıdır ki, internet sayəsində bu yalanlar ölkələri dolaşır. Haqqında bu dəfə söhbət açacağım yanlış təsəvvürə inananlar arasında azərbaycanlı sürücülər də fifayət qədərdir. 

Avtosfer.az xəbər verir ki,  geniş yayılmış yalanlardan biri də saqqızla bağlıdır. Guya mentollu saqqız alkotesterin iş rejimini pozur və sərxoşluğu müəyyən etmək çətinləşir. 
Burada həqiqət payı olsa da, çox azdır. Çünki alkotester səthi tənəffüsü deyil, ciyərdən gələn havanı yoxlayır və bunun üçün də sürücüdən güclü şəkildə üfürmək tələb olunur. Bu baxımdan alkotesteri aldatmaq ehtimalı yox dərəcəsindədir. 
Doğrudur, köhnə model alkotesterlərdə mentollu saqqıza görə göstərici nisbətən aşağı çıxa bilər. Lakin yol polisi bir qayda olaraq sərxoş hesab etdiyi şəxsi tibbi müayinəyə aparır. Bu zaman nəinki sürücünün qanındakı alkoqol miqdarını, hətta hansı içkini nə vaxt qəbul etdiyini də bilmək mümkün olur. 
Bir sözlə, texnologiya dövründə sürücülərin yalanları artdığı kimi texniki vasitələr də təkmilləşir.

Vüqar