Almaniyada Hitler vaxtından davam edən sürət limiti məsələsi

Almaniyada 13 min kilometrlik şose yollarının (avtoban) təxminən yarısında sürət limiti yoxdur. Bu məsələ Almaniyada hər zaman müzakirə predmeti olub. Hitler dövründən indiyədək sürət limiti gah tətbiq, gah da ləğv olunub. 

Avtosfer.az xəbər verir ki, Almaniyada sürət limiti tətbiqinin əsas tərəfdarları hər zaman ekoloqlar olublar. Bu dəfə isə məsələnin gündəliyə çıxarılmasının səbəbi elektromobilərdir. 
Məsələ budur ki, elektromobillə 130 km/saatdan yuxarı sürətlə hərəkət zamanı batareya bir neçə dəqiqəyə bitir. Benzin mühərrikdə isə 200 km/saat sürətlə uzun müddət hərəkət etmək mümkündür. Lakin başqa məsələ də var.
Elektromobillər daha ağır olduğu üçün onların yüksək sürətlə hərəkət etməsi yüksək sürətlə baş vermiş qəzada daha böyük fəsadla nəticələnir. Bəzi dairələr elektromobillərə limit təklif etsələr də, texniki cəhətdən risklidir: elektromobil 120 km/saat, avtomobil isə 200 km/saatla hərəkət edərsə sürətli yolda sinxronluq pozulacaq və qəza qaçınılmaz olacaq. 
Əsas məsələ isə sürətlənmə ilə bağlıdır. Elektromobil istənilən halda istilik mühərrikli avtomobildən daha tez sürət yığır və sürücülər bu faktı nəzərə almırlar. Problemin kökü də məhz bundadır. 
Almanların bu məsələni necə həll edəcəyini zaman göstərəcək.

Vüqar