Arvaddan qorxan kişilər bu maşın modellərini seçirlər

Avtomobilin icadından yüz il keçsə də, onun qadınlar arasında populyarlaşması nisbətən yenidir. Çünki ilk dövrlərdəki avtomobilləri idarə etmək heç də asan deyildi. İndiki kimi 2 əvəzinə ilk avtomobillərdə bəzən 4 pedal olurdu. Sükan mexanizminin ağırlığı da ayrıca dərd idi. 

Avtosfer.az xəbər verir ki, bu səbəbdən 60-70 il əvvəl belə bir stereotip formalaşdı: kiçik maşınlar qadınlar üçündür. Krossover və yüksək keçidli avtomobillər isə sırf kişilər üçündür. 

Bu günlərdə Avropada aparılmış rəy sorğusu stereotiplərin dəyişmədiyini göstərir. Qadınlar daha çox qənaətcil, ailə avtomobillərinə (əsasən sedan) üstünlük verdiyi halda, kişilər əsasən krossover seçirlər. Ailədə qadının sözü keçirsə o zaman seçim əksər hallarda sedan olur. Kişinin sözü keçirsə, o zaman seçim krossover olur. 
Nəticəni sığorta agentlikləri də təsdiq edir. Bu da bir daha göstərir ki, qadınların avtomobillə bağlı stereotipləri çox da dəyişməyib.

Vüqar