Assosiasiya rəhbəri: Avropa dizeli müzakirə edəndə çinlilər növbəti mərhələyə keçdilər

Avropa Parlamentinin tərkibi yeniləndikdən sonra avtomobil istehsalçıları tələblərini daha açıq səsləndirə bilirlər. Onlar artıq elektromobilə tam keçidlə bağlı müddətin uzadılması tələbini açıq şəkildə dilə gətirə bilirlər. Buna bir tərəfdən Avropa Parlamentinə seçkilərdə Almaniya sənayeçilərinin təsiri, digər tərəfdən isə Donald Trampın yenidən ABŞ rəhbərliyinə qayıtmaq şansının böyük olmasıdır.

Avtosfer.az xəbər verir ki, Avropa Avtomobil İstehsalçıları Assosiasiyası Avropa Komissiyasına rəsmi müraciət ünvanlayıb. Müraciətdə elektromobilə keçidə müddətinin daha 5 il uzadılaraq 2040-cı ilə təyin edilməsi istənilir.  Lakin sənayeçilər sisntetik yanacaqla bağlı tələblərə etiraz etmirlər.
Assosiasiya rəhbəri Luka de Meo jurnalistlərə bildirib ki, 12 ildə elektromobil sayında 10%-dən 100%-ə çatmaq mümkün deyil.  Ən əsası, Çin amilini nəzərə almaq lazımdır. Onlar Avropanın geri qaldığını görürlər: “Biz Dizellə bağlı müzakirə aparanda çinlilər elektromobil texnologiyasında sıçrayış etdilər. Onlar növbəti mərhələyə adlayıblar.”
Meonun fikrincə çinli istehsalçıların bir üstünlüyü də şirkətlər arasında əməkdaşlıqdır. Ən əsası, Çində hansısa seçki ümumi siyasi xətti dəyişmir.

Vüqar