Avropa yolunda yanacağı qurtaran sürücünü hansı cəza gözləyir?

Yəqin yük yerində Cola qabında yanacaq gəzdirən və ya yolda yanacağı qurtaran taksi sürücüləri ilə əksəriyyət rastlaşıb. Bəs belə hal Avropada mümkündürmü? Məsələni 3 ölkənin qanunvericiliyində araşdırmaq qərarına gəldik.
Avtosfer.az xəbər verir ki, Avropa ölkələrində şosedə yanacağın bitməsi fors-major halı deyil, insan xətası hesab edilir. Yəni, bu hərəkətə gözə cəza vermək mümkündür.
Sürətli yolları ilə seçilən Almaniyada avtobanda yanacaq bitərsə sürücünü 70 avroyadək cərimə və sürücülük hüququnun 6 ay məhdudlaşdırılması gözləyir. Evakuasiya xərcini də sürücü ödəməlidir. Üstəgəl hadisənin nəticələrindən asılı olaraq sürücüyə başqasının həyatını təhlükədə qoymağa görə 5 ilədək həbs cəzası verilə bilər. 
Onunla qonşu olan Fransada cəza daha ağırdır. Yol hərəkəti haqqında qanunun 426-cı maddəsinə görə yolda yanacağı qurtaran sürücünu yolun intensivliyindən asılı olaraq 75-150 avro cərimə və evakuasiya xərci (110-216 avro) gözləyir. Ağırlaşdırıcı hallarda sürücüyə cinayət işi də açıla bilər. 
İsveçrədə isə boş yanacaq çəninə görə 300 frank (290 dollar) cəza gözləyir. Şəraitdən asılı olaraq cərimə balı da yazıla bilər. Konfederasiyada boş çənlə avtomobil sürmək nasaz texnika idarə etməyə bərabər tutulur.

Vüqar