Avropada Amerika avtomobillərinə qarşı etirazlar artır

Avropada bir çox təşkilat ABŞ istehsalı olan pikapların İttifaqa idxalının dayandırılmasını tələb edir. 

Avtosfer.az xəbər verir ki,  avropalılar bu avtomobillərin həm çox yanacaq sərf edərək ekologiyanı korlamasını, həm də ağır olduqları üçün piyadalara daha böyük risk yaratmasını əsas gətirirlər. Bununla belə, Avropada bu tip maşınlar artır.  ABŞ istehsalı pikaplar Avropanın bəzi normalarına uyğun gəlməsə də, fərdi yoxlama üsulu ilə idxal edilə bilir.
Statistikaya görə, 2023-cü ildə köhnə qitədə Dodge RAM-ın satışı 20% artıb.
Məsələ ilə bağlı 10 təşkilat Avropa Komissiyasına müraciət edib. Komissiya məsələyə yaxın aylarda baxacaq.

Vüqar Yaşaroğlu