Avtomobil aromatizatorlarında neçə zərərli maddə var?

Avtomobilin salonunda pis qoxuları ört-basdır etmək üçün sürücülər çox vaxt aromatizatorlardan istifadə edirlər. Maye şəklində olan flakonlar və ya kağıza hopdurulmuş ətirlər çox vaxt salonda güzgüdən asılır. Bəs bunların insan səhhətinə təsiri nə səviyyədədir?

Avtosfer.az xarici KİV-ə istinadla xəbər verir ki, həkimlər aromatizatorlardan istifadənin qəti əleyhinədirlər. Səbəb sadədir. Bu vasitələrin tərkibində insan sağlamlığına ciddi təhdid yaradan benzol, etanol, dixlorbenzol və benzil spirti var. Hər bir maddə ayrılıqda kanserogendir, yəni xərçəng yarada bilir. Onlar ağciyərə nüfuz edərək toxumaları dağıdır. 
Yay aylarında avtomobil salonu kimi kiçik və qapalı məkanlarda onların mənfi təsiri daha da artır. 
Həkimlər aromatizatorlara pul vermək əvəzinə avtomobili təmiz saxlamağı, salon filtrini vaxtaşırı dəyişməyi məsləhət görürlər.

Vüqar Yaşaroğlu