Avtomobil istehsalçıları siyasətçilərə təsir edə bildilər

Alman diplomat Ursula fon der Lyayenin 401 səslə yenidən Avropa Komissiyasına rəhbər seçilməsi təəccüblü gəlmədi. Ona əsas dəstəyi ekologiyayönümlü partiyalar verdi. Lakin xanım Lyayen bu postda bəzi güzəştlərə məcbur olacaq. Əks halda o, avtomobil sənayesindən dəstək ala bilməzdi. 

Avtosfer.az xəbər verir ki, Avropa Komissiyasının yeni rəhbərliyi 2035-ci ildə elektromobilə keçid hədəfindən tam imtina etməsə də, müəyyən yumşalmalara gedəcək. Söhbət sisntetik yanacaqla işləyən avtomobillərin istismarından gedir. Komissiyanın bu maşınların istehsal və istismarına 2035-ci ildən sonra da icazə verəcəyi gözlənilir. Xanım Lyayen dəyişikliklərin anonsunu versə də, konkret müzakirələr payıza saxlanılıb.
Bu da bir daha Avropanın, xüsusən də Almaniyanın avtomobil sənayesinin qitənin siyasətinə kifayət qədər təsir göstərdiyini sübut edir.

Vüqar