Avtomobilin sahibi öldü, qonşuya problem yarandı - QƏRİBƏ HADİSƏ

Britaniya vətəndaşı qəribə situasiya ilə üz-üzə qalıb. Avtosfer.az-ın xəbərinə görə, qonşusu London yaxınlığında yaşayan kişidən xahiş edib ki, avtomobilini 3 gün onun həyətində saxlasın. O razılaşıb, amma səhəri gün avtomobilin sahibi dünyasını dəyişib.

Vəfat edənin oğlu avtomobili 3 gün ərzində satacağını desə də, sözünə əməl etməyib. 2022-ci ilin martından bəri bağ sahibi həmin şəxsə dəfələrlə müraciət etsə də, faydası olmayıb. Görünür 30 il əvvəl istehsal olunmuş və 1 ildən çox dayanmış avtomobil onları maraqlandırmır. Avtomobilin açarlarının da harada olduğu bilinmir. 

Ev sahibinin dostları evakuator çaıraraq avtomobili kənarlaşdırmağı məsləhət görsələr də, o, avtomobil üçün 1 sent belə xərcləməyəcəyini bildirib. Buna görə də, maşının hələ nə qədər həyətdə qalacağı bəlli deyil.

Vüqar