Avtomobilini timsahlarla dolu kanala aşıran qadın öldü

ABŞ-ın İllinoys ştatının Çikaqo şəhərində avtomobilini timsahlarla dolu kanala aşıran qadın ölüb. 

Bununla bağlı “Indiaglitz” nəşri məlumat yayıb. 

Məlumatlara görə, öz avtomobili ilə Florida ştatının Neypls şəhərinə gedən zaman 30 yaşlı qadın idarəetməni itirib və maşın kanala aşıb. 

Ətrafdakılar qadına kömək etmək istəsələr də, bu, nəticəsiz qalıb. Timsahlar qadına hücum ediblər. 

Hadisə yerinə çağırılan xilasedicilər qadının parçalanmış cəsədini aşkarlayıblar.