Azərbaycan xalqı qələbə sevinci ilə küçələrə çıxır. Bu barədə sosial şəbəkədə paylaşımlar edilir. Uşaqdan böyüyə hər kəs qələbə şüarları ilə Azərbaycan Ordusuna dəstəyini ifadə edir.

Xatırladaq ki, bu gün səhər saatlarında Ermənistan silahlı qüvvələri genişmiqyaslı təxribat törədərək, cəbhəboyu zonada yerləşən Azərbaycan Ordusunun mövqelərini və yaşayış məntəqələrimizi iriçaplı silahlar, minaatanlar və müxtəlif çaplı artilleriya qurğularından atəşə tutublar.

Lakin Azərbaycan Ordusu əks-hücuma keçərək, işğal altında olan bəzi əraziləri və yüksəklikləri işğaldan azad edib.

Hazırkı məlumata görə, Füzuli rayonunun Qaraxanbəyli, Qərvənd, Kənd Horadiz, Yuxarı Abdürrəhmanlı, Aşağı Abdürrəhmanlı kəndləri, eləcə də Cəbrayılın Böyük Mərcanlı və Nüzgər kəndləri işğaldan azad edilib.