Azərbaycan və Ermənistan sərhədlərinə yüksəksürətli yol çəkiləcək

Gürcüstan Azərbaycan və Ermənistan sərhədlərinə yüksəksürətli yol çəkəcək.

Avtosfer.az bu barədə "Sputnik Gürcüstan"a istinadən xəbər yayır.

Məlumata görə, Şərq-Qərb avtomobil yolunun tərkibinə daxil olan yolların tikintisi ilə bağlı tender elan edilib.

Söhbət Rustavi-Qırmızı körpü və Algeti-Sadaxlo yollardan gedir. 61.3 km uzunluğunda dördzolaqlı avtomobil yolunun tikintisinə 2025-ci ildə başlanacaq və işlərin başlanmasından 30 ay sonra mərhələlərlə başa çatdırılacaq.

Tikinti işləri 250 milyon avroya başa gələcək və Avropa İnvestisiya Bankı tərəfindən maliyyələşdiriləcək.

(oxu.az)