Azərbaycanın ilk kinokamerası – DÜNYADA YEGANƏ - FOTO

Azərbaycanda kino işinin təməlini Aleksandr Mişon qoyub. Mişon Bakını tərk etdikdən sonra da ölkəmizdə filmlər çəkilib. 

Avtosfer.az xəbər verir ki, 1900-1935-ci illərdə ölkəmizdəki filmlər cəmi 1 kamera ilə çəkilib. Bu da Fransa istehsalı olan “Debrie” kamerasıdır. Kameranın özəlliyi onun məxsusi olaraq Bakı üçün hazırlanmasıdır (korpusun altında xüsusi qeyd edilib). Vaxtilə Film Fondunda qonaq olmuş Jerar Depardye bu kameradan heç bir ölkədə qalmadığını bildirib.  Ştativlə birgə kütləsi 100 kiloqrama çatan, 35 mm-lik lentlə işləyən kamera 1935-ci ildə səsli film meydana çıxdıqdan sonra əhəmiyyətini itirib. Bu gün isə nadir eksponat kimi Film Fondunda qorunur.  

Yeri gəlmişkən, keçmiş SSRİ-də ilk səsli film də Azərbaycanda çəkilib. 1935-ci ildə çəıkilərək növbəti il prokata çıxan “Mavi dənizin sahilində” filmi dünya kinosunun incilərindən hesab edilir.

Vüqar