Azərbaycanın ilk milli kamikadze dronu - "ZƏRBƏ" nəyə qadirdir? - FOTO

Azərbaycan Ordusu əks hücum əməliyyatlarının uğurla yerinə yetirməsində dronların payı çox böyükdür. Əks hücum əməliyyatları başlayandan Azərbaycan Silahlı Qüvvələrinin zərbə PUA-ları Ermənistan ordusuna ümumilikdə azı 1 milyard ABŞ dolları ziyan vurub.

Döyüşlərdə başqa ölkələrdən aldığımız dronlardan əlavə Azərbaycanın milli dronu olan "Zərbə" PUA-larından da istifadə olunur.

"Zərbə" PUA-larındakı xüsusi izləmə mini optik kamerası istisna olmaqla (kamera Çindən idxal olunur) tamamilə yerli istehsaldır.

Yerli PUA gecə və gündüz, istənilən hava şəraitində sərbəst şəkildə düşməni izləmək və ona zərbə endirmək imkanına malikdir. PUA həm müxtəlif texnikaya, həm də canlı qüvvəyə qarşı effektivdir. Aparat əməliyyat baxımından xüsusi avadanlıqlarla təchiz edilmiş yüksək keçid qabiliyyətinə malik "K1-Zərbə" mobil xüsusi zirehli maşına quraşdırılıb və istənilən zaman düşmənə sarsıdıcı zərbə endirə bilər.

Aparat elektron maneə vasitələrinə qarşı dayanıqlıdır. Peyk GPS əlaqəsi itən zaman aparat sərbəst döyüş tapşırığını yerinə yetirməyə qadirdir.

Nərminə