Azərbaycanlı taksi sürücüsü bu çıxışı ilə Türkiyədə GÜNDƏM OLDU - VİDEO

Qardaş Türkiyədə mayın 14-də keçiriləcək seçkilərə tək qardaş ölkədə deyil, regionda və dünyada maraq pik həddədir. Seçki kampaniyası, namizədlərin çıxışlarına ölkəmizdə də maraq güclüdür. Bu da təbiidir. Azərbaycan və Türkiyə "Bir millət iki dövlət" prinsipini sözdə deyil, əməldə reallaşdırıb. Azərbaycan xalqı seçkiləri və onun nəticələrini diqqətlə izləyir.

Yeri gəlmişkən, qardaş ölkənin mediası Türkiyədəki seçkilərlə bağlı azərbaycanlı taksi sürücüsünün sözlərini əsas xəbərlərinə çeviriblər. Prezident Ərdoğanın Kanal 7 və Ülke TV-nin birgə canlı yayımında gündəmlə bağlı sualları cavablandırdığı dəqiqələrdə türk jurnalistlərin Azərbaycanda səfərdə tanış olduqları taksi sürücüsü Səyyadın Ərdoğanla bağlı dediyi sözləri tirajlamaları böyük bəyənmə toplayıb.

Jurnalistlərlə söhbətində qızının cehizini Türkiyədə "Əsrin fəlakəti" zamanı zəlzələ qurbanlarına bağışladığını bildirən soydaşımız Ərdoğanın seçkilərə baxışı ilə bağlı önəmli mesajlar verib. "Ərdoğanın qədrini bilmirsən" deyən Səyyad "Ərdoğana qurban olum. O, böyük şəxsiyyətdir. O, ikinci Atatürkdür. Bütün dünya Ərdoğanın seçilməməsini istəyir...", - deyib.

Ətraflı videoda: