Bakıda maşının altına girən pişik yoxa çıxdı, sonra görün nə baş verdi - VİDEO

Bakıda baş verən maraqlı hadisənin görüntüsü anbaan avtomobildəki kameraya düşüb. Avtosfer.az xəbər verir ki, hadisə psixoloq Təbriz Hacınskinin başına gəlib. Belə ki, o, idarə etdiyi avtomobillə paytaxtın 28 May küçəsində hərəkətdə olarkən yolda olan pişik qəfildən onun maşınının altına girib. Bundan sonra o, dayanaraq yaxınlıqdakı insanlarla birgə həmin pişiyi axtarmağa çalışıblar. 4-5 dəqiqə axtarışdan sonra məlum olub ki, pişik avtomobilin mühərrik hissəsinə daxil olub.

Təbiətin müdafiəsiz canlısı olan pişiklər qorxduqları zaman avtomobillərin altına girərək öz həyatlarını xilas etmiş hesab edirlər. Lakin bir çox hallarda təkərin altında qalaraq ölürlər. Bundan əlavə olaraq, pişiklər soyuq aylarda dayanmış avtomobillərin altına və ya mühərrik hissəsinə daxil olaraq gecələyirlər. Sürücülərə tövsiyə edirik ki, səhər mühərriki işə salmamışdan və avtomobili hərəkətə gətirməmişdən öncə pişiklərin olub-olmamasını yoxlasınlar.

Könül