Bəxtsiz oğru təsadüfən polisin mənzilinə girdi

Oğru giriş qapısının kilid yerini qıraraq mənzilə daxil olub. Ancaq bəxtindən mənzilin sahibi hüquq mühafizəçi imiş.

Ukraynada baş verən hadisə barədə “Xarkov Life” “Telegram” kanalı xəbər yayıb.

Bildirilir ki, mənzilin sahibi həmin vaxt dükanda olub. Oğru mənzildə polis uniformasını görəndə təlaşa düşüb və qaçmağa çalışıb. Lakin qapının ağzında ev sahibi ilə rastlaşıb.

Hüquq mühafizəçisi ilə bir az əlbəyaxadan mübarizədən sonra o, təslim olub.

Hadisə ilə bağlı istintaqa başlanılıb.