Bir şarjla 190 saat hərəkət edən elektrikli lokomotiv təqdim olundu - FOTO

Hidrogen mühərriklərinin tətbiqi ilə bağlı müzakirələr bütün dünyada geniş vüsət alır. Avtosfer.az xəbər verir ki, Çinin dövlət istehsalçısı “China Railway Rolling Stock Corporation” hidrogen yanacağı mühərriklərinin perspektivləri və imkanları barədə təqdimat edib

Yaradılan yeni lokomotiv hidrogenin oksigenlə qarşılıqlı əlaqədə olduğu və bu reaksiya zamanı elektrik enerjisi yarandığı mühərriklə təhciz olunub.

Belə bir lokomotiv 2 saat ərzində tam şarj olma ilə 190 saata qədər, yəni bir həftədən çox hərəkət edə bilər. Konstruktorların hesablamalarına görə, hidrogen lokomotivlərinin saxlanması və istismarı dizel lokomotivlərinin yarı qiymətinə başa gəlir. Mütəxəssislərin fikrincə, Çin kifayət qədər qısa müddətdə bütün lokomotivlərin 90%-ə qədərini yeni yanacaq növünə keçirə biləcək.

Leyla