Bu da ekoloji təmiz dəfn avtomobili  - FOTO

Ekoloji təmiz avtomobilə münasibət bəzən absurdluğa qədər gedib çıxır. İndi də cənazə daşımaq üçün elektromobil təqdim edilib. 

Avtosfer.az-ın xəbərinə görə, Britaniyada 2011-ci ilin istehsalı olan Nissan Leaf  elektromobilinin konstruksiyası dəyişdirilərək cənazə maşınına (katafalk) çevrilib. 

Tabut sığsın deyə avtomobilin bir tərəfində qapılar ləğv edilərək şüşə ilə əvəzlənib. İçəridə sürücünün arxasında yalnız 1 nəfər əyləşə bilər. 

24 000 funta (50 000 AZN) satışa çıxarılan maşın yaxşı vəziyyətdədir. Satıcı bildirir ki, yaxınlarını ekoloji təmiz formada dəfn etmək istəyənlər bu modeli ala bilər.

Vüqar