Bu ölkənin diplomatlarının 2338 ödənilməmiş parklanma cəriməsi var - Pulu ödəmirlər

Rusiya diplomatları Yaponiyada qeyri-qanuni parklanmaya görə cərimə ödəməyənlər siyahısında birinci yerdədir. 
Avtosfer.az xəbər verir ki, bu barədə “Fuji News Network” nəşri məlumat yayıb .
Məlumatda 5 il ərzində yəni, 2022-ci ilədək Rusiyanın Yaponiyadakı diplomatik nömrələri olan avtomobilləri 2338 ödənilməmiş parklanma cəriməsi topladığı bildirilib.
Bu, Yaponiyadakı diplomatların avtomobilləri ilə bağlı bütün cərimələrin 59%-ni təşkil edir. İkinci yerdə böyük fərqlə Çin diplomatları gəlir ki, onun səfirliyinin qanunsuz parklamaya görə 246 cəriməsi var. Siyahıda növbəti sıralarda Qazaxıstan, Misir, İran və Ukraynanın diplomatik nümayəndəlikləri qərarlaşıb.
Qeyd edək ki, Vyana Konvensiyasında nəzərdə tutulan diplomatik toxunulmazlıq parklanma cərimələrinə şamil edilmir. Yaponiya hakimiyyət orqanları diplomatların şəxsi əmlakını müsadirə edə bilmədiyindən cərimələrin ödənilməsi ilə bağlı çağırışlar əsassızdır.

Məhəbbət