Bu rəngli avtomobillər digərlərindən baha təklif olunur – EKSPERTDƏN AÇIQLQAMA

Maraqlı 21 İyun 2024 17:41 Oxunub 4334
Bu rəngli avtomobillər digərlərindən baha təklif olunur – EKSPERTDƏN AÇIQLQAMA
WhatsApp kanalımıza abunə ola bilərsiniz

Uzun müddətdir, dünyanın əksər ölkələrində avtomobillərin qiymətləri onların rənginə görə dəyişir. Ekspertlər bu məsələni ölkənin yerləşdiyi regionla əlaqələndirir. Məsələn, Rusiya, Kanada, Norveç, Finlandiya, İsveç kimi soyuq ölkələrdə əhali qara, qəhvəyi, boz və yaş-asflat rəngli avtomobillərdən istifadəni daha üstün tutur.

Nəqliyyat eksperti Eldəniz Cəfərov Avtosfer.az saytına açıqlamasında deyib ki, Azərbaycan kimi isti ölkələrdə ağ rəngli avtomobillər daha məşhurdur.

“Birinci əl avtomobil bazarında belə qiymət fərqi görmək mümkün deyil. Yəni avtosalonlarda qiymətlər rəngə görə fərqlənmir. Lakin ikinci əl avtomobil bazarında vəziyyət bir qədər fərqlidir. Ölkədə tələbata çevrilən rənglər digər rənglərə nisbətən 5% baha qiymətə təklif olunur. Yəni Azərbaycanda ağ rəngli avtomobillər digərlərindən qismən bahadır. Və yaxud da əksinə, elə rəngli avtomobillər var ki, onların qiyməti digərlərindən bir qədər ucuz olur”.

Ölkədəki avtomobil bazarındakı ümumi vəziyyətlə bağlı ekspert bildirib ki, may və iyun ayları bu istiqamətdə həmişə aktiv ay hesab olunub.

“Azərbaycanın avtomobil bazarında ötən ilin noyabr ayından indiyə qədər durğunluq var. Bu da əhalinin alıcılıq qabiliyyətinin əvvəlki dövrlərlə nisbətdə aşağı olması ilə əlaqələndirilir. Həm birinci, həm də ikinci əl avtomobillərin satışında ciddi aktivlik olmadığı üçün, qiymətlərdə də hansısa dəyişiklik müşahidə edilmir”

Ekspertlərin fikrincə, son dövrlərdə ölkədə əhalinin daha çox üz tutduğu avtomobillər elektromobillər hesab olunur və bu da ikinci əl avtomobil bazarında da qiymətlərin stabilləşməsinə gətirib çıxarır.

 

Səfər Əlizadə

ŞƏRH YAZ
Ad

E-mail

Şərh