Çılpaq kişi motosiklet sürərək otel işçilərini qorxudub

Tailanddan olan 31 yaşlı Phatjarin Varnhu lüt halda motosiklet sürərək otel işçilərini qorxudub. Bu barədə “The Thaiger” məlumat yayıb.

Həmin şəxs mayın 31-də Çaçoenqsao əyalətindəki otelə daxil olub. Axşam saatlarında otağından paltarsız çıxıb, dayanacağa gəlib, motosikletə minib və otelin ətrafında gəzməyə başlayıb. Daha sonra çılpaq qonaq nəqliyyat vasitəsini saxlayıb və gəzintiyə çıxıb.

Polisə müraciət edildikdən sonra hüquq-mühafizə orqanlarının əməkdaşları kişini geyinməyə razı salıblar və sonra oteli tərk etmək şərti ilə azad ediblər.

Leyla