"Cin atı"na minən çex - VİDEO

Kuryerdən gözlədiyi bağlamanı almayan sakin dəhşət saçdı. Xalq arasında səs-küyə səbəb olan hadisə Çexiyada baş verib. Zlin şəhərində yaşayan  Miroslav Starek adlı sakinin kuriyerlə söhbət edərkən özündən çıxması ortaya xoşagəlməz görüntülər çıxarıb. ATVxəbər.az Çex mediasına istinadən xəbər verir ki,  47 yaşlı kuriyer Radek Tesar,  Miroslav Stareklə əlaqə saxlayıb və ona bağlama göndərildiyini bildirib. Sən demə, Miroslav  başqa bir bağlama gözləyirmiş. Umduğunu tapa bilməyən sakin qəzəblənərək, əvvəl mikroavtobusdakı mallara, daha sonra sürücüyə hücum edir. Nəqliyyat vasitəsinə daxil olan  qəzəbli çexiyalı ordan iri ekranlı televizoru çölə atıb. Daha sonra beyzbol dəyənəyi ilə sürücünün arxasınca düşən əsəbi sakin onu yaxalaya bilmədiyini gördükdə, nəqliyyat vasitəsinin şüşələrini sındırmağa qərar verib. Olay yerli mediyada böyük rezonans yaradıb. Qısa zamanda Miroslav Starekin dırnaqarası rəşadəti sosial mediyada geniş müzakirələrə yol açıb. Zlin şəhərində baş verən qarşıdurma ölkə hüdudlarından kənarda da maraqla izlənib.