Çinin avtomobil ekspansiyası – PROQNOZ

Çin avtomobilləri dünya bazarında 21% paya malikdir. 

Avtosfer.az xəbər verir ki, bu statistikanı baş ofisi Londonda yerləşən “AlixPartners” təşkilatı yayıb.
Bunun başlıca səbəbi Çin bazarında xarici markaların sıxışdırılmasıdır. Artıq bu il Çin markalarının yerli bazarda payı 59%-dən 72%-ə yüksəlib. Bir çox Avropa və Yaponiya şirkəti avtomobillərini ucuz qiymətə sataraq bazarı tərk edib. “Bank of America” GM, Ford və Stellantis qruplarına Çin bazarından mümkün qədər tez uzaqlaşmağı tövsiyə edib. Bunun səbəbi rəqabətin çox ciddi olmasıdır.
“AlixPartners” hesab edir ki, 2030-cu ildə Çin şirkətləri 10 milyon avtomobil ixrac edə biləcək. Hazırda bu rəqəm 3 milyon ədəddir.
Təşkilatın proqnozuna görə, 2030-cu ildə Çinin avtomobil istehsalçıları 2030-cu ildə Avropa bazarının 12%-i, Rusiya bazarının 70%-i, yaxın Şərq və Afrika bazarının isə 40%-ə qədərinə nəzarət edəcək. Sürətlə yayılmanın səbəbi təkcə qiymət deyil, həm də yeni modellərin bazara daha çevik təqdim edilməsidir.

Vüqar