Doldurulabilən hibridin sərfiyyatı çoxdur – təqsir kimdədir?

Doldurulabilən hibrid avtomobillər Azərbaycanda da artır. Əgər 5-6 il əvvəl bu maşınları barmaqla saymaq mümkün idisə, indi vəziyyət başqadır.
Avtosfer.az xəbər verir ki, bir çox Avropa ölkəsində sürücülərin kütləvi şikayəti əsasında Avropa Komissiyasaı məsələni araşdırıb. Məlum olub ki, doldurulabilən hibrid avtomobillər texniki göstəricilərində yanacaq sərfiyyatı 1-2 litr göstərilsə də, real rəqəm bundan 2-3 dəfə çoxdur. Bəs səbəb nədir?
Komissiyanın sınaqları göstərib ki, təqsirkar sürücülərdir. Onlar benzinə arxayın olduqları üçün avtomobili vaxtı-vaxtında doldurmurlar. Təlimata görə, bu maşınlar vaxtın 80-85%-ni elektriklə hərəkət etməlidir. Lakin reallıqda bunun tam əksi müşahidə olunur. Bəzi sürücülər maşını aylarla şəbəkəyə qoşmur, akkumulyatorlar yalnız rekuperasiya hesabına dolur. 
Komissiya vəziyyətdən çıxış yolu kim i bu tip avtomobillərin ekoloji sinfini dəyişməyi planlaşdırır. Bu təqdirdə sürücülər daha çox  vergi ödəyəcək. Lakin belə bir qərar doldurulabilən hibrid avtomobillərin bazardan çıxmasına səbəb ola bilər.

Vüqar