Dünyada gələcək 5 ildə ən çox tələb olunan 10 PEŞƏ

Yaxın 5 ildə dünyada ən çox tələb olunan peşələrin adı açıqlanıb. 

Bu barədə Ümumdünya İqtisadi Forumunun “Gələcəyin Peşələri” adlı layihəsində qeyd olunub. 

Məlumata görə, yaxın beş ildə bazarda süni intellektin inkişafı ilə bağlı peşələrə tələbat artacaq. Neyron şəbəkələri növbəti illərdə qlobal əmək bazarını böyük dərəcədə dəyişəcək.

ChatGPT və Midjourney (təsvirə görə şəkillər yaradan neyron şəbəkəsi) kimi vasitələrin yaranması sayəsində süni intellekt (AI) və cihaz öyrənmə mütəxəssisləri 10 perspektivli peşə siyahısına rəhbərlik edəcək. 

Gələcəyin axtarılan mütəxəssisləri arasında davamlı inkişaf üzrə menecerlər, biznes analitikləri, informasiya təhlükəsizliyi sahəsində ekspertlər və fintech sahəsində mütəxəssislər də var idi.

Bunlardan əlavə, əmək bazarında məlumat analitikləri və məlumat mühəndisləri, robototexnika mütəxəssisləri, elektrik mühəndisləri, kənd təsərrüfatı avadanlığı operatorları və rəqəmsal transformasiya mütəxəssisləri lazımdır. (lent.az)