Dünyanın yaşamaq üçün ən yaxşı və ən pis şəhərləri

Yaşamaq üçün rahat olan ən yaxşı şəhərlərin dünya reytinqi tərtib edilib. 

Bunu "The Economist Intelligence Unit" təqdim edib.

Şəhərlər bir neçə onlarla amil üzrə bal əsasında sıralanıb. Əsas meyarlar sırasında inkişafın sabitliyi, ətraf mühitin və infrastrukturun vəziyyəti, səhiyyə və digər sahələri göstərmək olar.

Avstriyanın paytaxtı Vyana artıq ikinci ildir ki, 98,4 balla dünyanın yaşamaq üçün ən yaxşı şəhəri olub. Kopenhagen 98 xalla ikinci olub. Üçüncü yeri Avstraliyanın Melburn şəhəri tutub.

Yaşamaq üçün ən pis şəhərlər Dəməşq, Tripoli və Əlcəzair olub. (lent.az)