"Ekologiyanı qorumağa" çağıran Avropa: təbiətə zərər vuranlara 42 milyard avro ayırıb

Avropa İttifaqının ekologiya ilə bağlı başqa ölkələrə təzyiq və təsir göstərmək şakərindən hər kəs xəbərdardır. Doğrudur, ekologiyanın qorunmasının vacibliyini heç kim danmır. Lakin hər kəs birinci özündən başlamalıdır. 

Avtosfer.az xəbər verir ki, Transport & Environment (T&E) təşkilatının araşdırması maraqlı faktı üzə çıxarıb. Məlum olub ki,  bir çox Avropa ölkəsində özəl şirkətlərin iri mühərrik həcminə malik avtomobillərinə subsidiya verilir. 5 böyük ölkə ötən il bu məqsədlə 42 milyard avro vəsait ayırıb.

Bu siyahıda ilk yerdə 16 milyard avro vəsaitlə İtaliya və 14 milyard avro ilə Almaniya gəlir. Bundan başqa Fransa bu işə 6,4 milyard, Polşa isə 6,1 milyard avro xərcləyib. 
Təşkilatın ekspertləri belə bir maraqlı və haqlı sualla çıxış edirlər: nə üçün büdcə vəsaiti köhnəlmiş texnologiyalara sərf edilməlidir? Axı bu pulu elektromobilə xərcləmək də mümkündür. 

Qeyd edək ki, bütün bunlar Avropanın digər ölkələrə ekologiya ilə bağlı təzyiqi artırdığı vaxtda üzə çıxıb.

Vüqar Yaşaroğlu