Elektrik motosikletinə keçən taksi sürücüləri

Ekoloji problemlərin ciddi olduğu Afrika şəhərlərində ənənəvi mototaksilər yenilənir. 

Avtosfer.az xəbər verir ki, artıq taksi xidməti üçün sürücülər elektrik mühərrikli motosikletlərə keçirlər. Ən ciddi fərq Keniyanın paytaxtı Nairobidə müşahidə olunur. Bu keçidin əsas səbəbi taksi şirkətləri və bankların bu texnika üçün yüngül kredit şərtləri təklif etməsidir. 

Digər tərəfdən, elektrikli motosikletə gündəlik texniki qulluq zərurəti də yoxdur. Nairobidə elektrikli motosikletlə taksi xidməti göstərərək günə 20 dollaradək pul qazanmaq mümkündür. Bu da ənənəvi motosikletdən 2 dəfə çoxdur. Yeni texnika səssiz, tüstüsüz və vibrasiyasız olduğu üçün sərnişinləri də razı salır. Hökumət nümayəndələri isə bu yolla böyük şəhərlərdə ekoloji problemlərin həllinə ümid edir. 

Son statistikaya görə, Afrikanın yerli şirkətlərindən biri qitədə 20 mindən çox elektrik mühərrikli motosiklet satıb. Müştəri sarıdan isə, heç bir qıtlıq yoxdur.

Vüqar