Elektromobildə mexaniki ötürmə: marketinq yalanı, yoxsa innovasiya?

10 ilə yaxındır minik avtomobillərinin bir çox modelində mexaniki sürət qutusu tarixə qovuşub “ söhbət proqressiv avtomobil istehsalçılarından gedir. 70-ci illərin modellərinin İran, İraq, Rusiya kimi ölkələrdə həyatda saxlanması deyil).

Avtosfer.az xəbər verir ki, elektromobilə keçid döövründə də mexaniki ötürməni arzulayanlar var. Bu səbəbdən bəzi elektromobil istehsalçıları maşınlara klassik mühərrik səsi verən audiosistem və yalançı mexaniki sürət qutusu quraşdırırlar. Bu işlə əsasən asiyalı istehsalçılar məşğul olurlar. 

Bu günlərdə məsələyə Porsche şirkətinin rəhbərliyi də münasibət bildirib. Ştutqartlı istehsalçı bu addımı birmənalı şəkildə geridə qalmış və gələcəyi olmayan iş adlandırıb.

Şirkətin mütəxəssisləri bildirirlər ki, daxiliyanma mühərrikinin faydalı iş əmsalı 40 faizə güclə çatdığı halda, elektrik mühərrikində bu rəqəm 95-dir. Buna görə də, əlavə avadanlığa ehtiyac yoxdur. 

Bununla yanaşı, alman istehsalçı gələcəkdə fayda verə biləcək innovasiyaları təqdir edib.

Vüqar