Elektromobillərdə belə problem olduğunu bilirdinizmi? - VİDEO

Dünyada avtomobil sənayesində elektrikli avtomobillər demək olar ki, hər gün inkişaf üçün yeni addımlar atır. Bu avtomobillərin üstün cəhətləri kifayət qədər olsa da bəzi mənfi tərəfləri də var. Belə ki, soyuq havalarda avtomobildə istilik sistemini aktivləşdirmək çətin məsələdir. Çünki enerji sərfiyyatı çoxalır, nəticədə isə avtomobilin batareyası daha tez tükənir.

Avtosfer.az xəbər verir ki, analoji hallardan biri də Türkiyə vətəndaşının başına gəlib. Belə ki, hava soyuq olduğundan taksiyə minib. O sürücüdən istilik sistemlərini işə salmasını xahiş edib. Sürücü avtomobilin elektromobil olduğunu, bunu edərsə batareyanın tükənəcəyini və yarı yolda qalacağını bildirib.

Elektrikli avtomobillərinin bir sıra mənfi cəhətləri olsa da bu yenilik ətraf mühitin mühafizəsi üçün mükəmməl texnologiyadır. Ümid edirik ki, yaxın gələcəkdə mənfi tərəflər aradan qaldırılacaq.

Məhəbbət Tərlanoğlu