Əsrin sonuna qədər bu qitədə canlıların 97 faizi məhv ola bilər

Bu əsrin sonuna qədər Antarktidada canlıların 97 faizi məhv ola bilər.

Əsas təhlükə imperator pinqvinləri, dəniz quşları və soxulcanlarla bağlıdır.

“PLOS Biology” elmi jurnalının məlumatına görə, 2100-cü ilə qədər bu qitədə faunanın yalnız 3 faizi sağ qala biləcək.

Bütün problem insan fəaliyyəti nəticəsində qlobal istiləşmənin 2 dərəcə artması ilə bağlıdır.

Alimlər bildiriblər ki, Antarktidanın qorunması üzrə bundan öncə qəbul edilmiş ətraf mühitin qorunmasına dair beynəlxalq protokol artıq işə yaramır, yeni qoruma tədbirlərinin alınması üçünsə 1,92 milyard dollar tələb olunur. (lent.az)