Eyfel qülləsi böyüklüyündə asteroid Yerə yaxınlaşacaq

Eyfel qülləsi böyüklüyündə asteroid dekabr ayında Yerə yaxınlaşacaq.

Trend-in məlumatına görə, bu barədə NASA-ya istinadən "Daily Record" qəzeti xəbər verib.

Məlumata əsasən, "4660 Nereus" adlı obyekt potensial təhlükəli asteroid kimi müəyyən edilib. Asteroidin uzunluğu 330 metr təşkil edir.

Bildirilir ki, asteroid dekabrın 11-də planetə maksimum yaxınlaşacaq və 3,9 milyon kilometr məsafədən keçəcək. Qeyd edilir ki, bu, Yerlə Ay arasındakı məsafədən 10 dəfə daha çoxdur.