Fransanın tərk edilmiş kilsələri satışa çıxarılır - FOTOLAR

Fransa parlamentinin bədnam qərarlarında Azərbaycandakı erməni dini irsinin qorunması üçün Fransa hökumətindən hərəkətə keçmək tələb olunur. Avtosfer.az xəbər verir ki, bu, əslində birinci dəfə deyil. Hələ çox da uzaq olmayan işğal dövründə də rəsmi Paris Azərbaycandakı erməni dini irsi ilə bağlı narahatlığını dilə gətirib. Bəs Fransanın özündə, fransız katolik dini irsinə münasibət necədir?
Konstitusiyasına görə, Fransa dünyəvi respublikadır. Bu prinsipə görə, dövlət hansısa dini icmaya maliyyə dəstəyi göstərə bilməz. Lakin dini abidələrin bərpası dünyəvilik prinsipinin pozulması anlamına gəlmir. Başqa sözlə, dövlət kilsənin, məscidin, sinaqoqun, hətta buddist məbədin də təmirinə pul ayıra bilər.

Lakin Fransada baxımsızlıqdan xaraba qalmış çox sayda kilsə var. Tərk edilmiş kilsələr ya uçub dağılır, ya da fiziki şəxslərə satılaraq təyinatı dəyişir.

Maraqlıdır ki, bunların əksəriyyəti orta əsrlərin memarlıq inciləridir. Bu gün Kan şəhərindəki Müqəddəs Etyen kilsəsi parkinq kimi istifadə edilir. 1944-cü ildə düşən top mərmisi kilsənin bir hissəsini dağıtsa da 70 ildən çox müddətdə heç kim buranı bərpa etmək niyyətində deyil.  
Hələ bu harasıdır. 1789-cu il Fransa inqilabından bəri qapısı bağlı qalıb taleyin ümidinə tərk edilən kilsə var. 
Vətən müharibəsi zamanı erməni təxribatı nəticəsində zədələnən Qazançı kilsəsi (Şuşa) bu gün Azərbaycn dövlətinin hesabına bərpa olunur. Bakının mərkəzindəki ermıəni kilsəsi də ciddi mühafizə olunur. 
Öz kilsələrini mühafizə etməyən ölkənin bizə nəyisə irad tutmasının adı nədir? Cavabı hər kəsin ixtiyarına buraxıram.

Vüqar