Gec alınan qatar bileti məsələsi həllini tapdı - FOTO

İsveçrədə elektron qatar biletləri (şəhərətrafı, regional və s.) ilə bağlı illərdir davam edən mübahisə yekunlaşıb. 
Avtosfer.az xəbər verir ki, nəzarətçilər hər dəfə qatar tərpəndikdən sonra alınan elektron biletlərə görə sərnişinə cərimə yazırdılar. Bu da saysız-hesabsız narazılığa səbəb olur, məhkəmə çəkişməsinədək gedib çıxırdı. Belə ki, gənclər adətən qatara bilet almadan minir, nəzarətçi yaxınlaşdıqda isə mobil tətbiq vasitəsi ilə elektron bilet alırdılar. Nəzarətçilər isə bunu fırıldaqçılıq hesab edərək cərimə yazırdılar. 
Nəhayət, bu günlərdə İsveçrə Konfederasiya Şurası məsələ ilə bağlı qərarını elan edib. Qərara görə, qatar hərəkətə başladıqdan sonra elektron bilet alan sərnişin qayda pozucu hesab edilir və onun cərimələnməsi qanunidir. Nəqliyyatda biletsiz gedən sərnişin 100 frank (170 manat) manat cərimə edilir. Yerində ödəniş edilmədikdə cərimə 140 frankdır.

Vüqar