Gəlin aparan limuzin yolda alovlara büründü - VİDEO

İçərisində gəlin olan limuzin nikah mərasiminə gedilən yolda alovlara bürünüb.

Hadisə ABŞ-ın Las-Veqas şəhərində qeydə alınıb.

Bu barədə KTNV-TV xəbər yayıb.

Bildirilir ki, gəlinin, atasının  və qonaqların olduğu avtomobil nikah mərasiminin keçiriləcəyi kilsəyə tərəf yollanıb. Qadının sözlərinə görə, yolda o, yanıq iyi hiss edib, sonra isə sürücünün oturacağının altından tüstü çıxdığını görüb. Bundan sonra maşın saxlanılıb və hər kəs içindən düşüb.

Yanğınsöndürənlər gələnə kimi limuzin alışıb.

Hadisənin səbəbi müəyyən olunmayıb.

Gəlin və qonaqlar zərər çəkməyib və başqa maşında kilsəyə yollanıblar.