“Hürjet” döyüş təyyarəsinin Türkiyə Ordusuna təhvil veriləcəyi tarix açıqlanıb

“Hürjet” səsdən sürətli döyüş təyyarəsinin 2025-ci ildə istismara daxil olacağını gözləyirik”

“Report” xəbər verir ki, bunu Türkiyə Prezidenti Rəcəb Tayyib Ərdoğan “IDEF-2023” sərgisində çıxışı zamanı deyib.

Onun sözlərinə görə, Türkiyənin müdafiə sənayesindəki uğurları gündən-günə artır: “2002-ci ildə bu sahədə fəaliyyət göstərən cəmi 57 şirkətimiz var idi. Bu gün isə şirkətlərin sayı 2 500-ə çatıb”.

Qeyd edək ki, "Hurjet" Türkiyənin “Hürkuş” təlim-məşq təyyarələrinin reaktiv versiyasıdır. O, 2017-ci ildə Türkiyənin aerokosmik şirkəti TAI (Turkish Aerospace Industries) tərəfindən hazırlanıb. "Hurjet" 13,7 min metrə qədər yüksəklikdə uçacaq və 3 000 kq-a qədər faydalı yük daşıyacaq. Əvvəllər hücum təyyarəsinin ilk uçuşunun 2022-ci ildə baş tutacağı gözlənilirdi, lakin sonra 2023-cü ilə təxirə salınıb.

Xatırladaq ki, sözügedən texnika bu il ilin aprel ayında ilk uçuşunu həyata keçirib.