İctimai nəqliyyatdan az istifadə edənlər üçün sərfəli tarif

Paris Nəqliyyat Agentliyi ictimai nəqliyyatdan az istifadə edənlər üçün yeni vahid tarif müəyyən edib. 

Avtosfer.az xəbər verir ki, hər gün Fransa paytaxtında ictimai nəqliyyatdan 4 milyon nəfər qeyri-müntəzəm şəkildə istifadə edir. Paris və ətrafı üçün yeni birdəfəlik nəqliyyat kartının qiyməti 2 avro 50 sent müəyyənləşdirilib. Bilet avtobus, qatar, metro və tramvaya şamil edilir. 
Qərar mərkəzdə yaşayanlara çox da sərf etməsə də, periferiya sakinləri qərardan məmnundur. Mərkəzdə yaşayanlar 1 biletə hazırda 2 avro 15 sent ödəyirlər. Periferiyada isə qiymət 3-5 avro arasında dəyişir. Qərar 2025-ci il yanvarın birindən tətbiq ediləcək. 
Paris metrosu qərarı təqdir edib. Metropoliten rəhbərliyi bu qərarla gəlirlərinin 13 faiz artacağını bildirib. 

Azərbaycanda da differensial gediş haqqı barədə müzakirələr aparılsa da, ortada konkret nəticə yoxdur. Paris təcrübəsi göstərir ki, hansısa əhali qrupu üçün endirim tətbiq edilməsi heç kimin ziyanına deyil. Bu endirimdən bütün tərəflər qazanır. Günlük, həftəlik, aylıq biletlərin tətbiqinin vaxtı çoxdan çatıb.

Vüqar