İmkanlı sürücülər daha aqressivdirlər - Onlardan qorxun

Alimlərin araşdırmasına görə, yollarda aqressiyaya daha çox meyilli olanlar azgəlirli deyil, əksinə, maddi cəhətdən imkanlı şəxslərdir. Bundan başqa, alimlər “yol qəzəbi” ilə avtomobilin növü arasında da maraqlı bir əlaqə aşkar ediblər.

Avtosfer.az bu barədə xarici mediaya istinadla xəbər verir.

İllik gəliri 100 min dollardan çox olan sürücülər daha çox aqressiv davranış sərgiləyirlər. Onlar digər sürücüləri ötməyə, qarşısını kəsməyə və ümumi hərəkəti idarə etməyə daha çox meyllidirlər. Yeganə kateqoriya, yəni varlı sürücülərin daha təmkinli davrandığı sahə birbaşa təhdidlər və fiziki zorakılıq halları olub.

Aqressorun portreti: elektroavtomobil idarə edən gənc
 
Tədqiqat bəzi gözlənilən tendensiyaları təsdiqləməklə yanaşı, yeni məqamları da üzə çıxarıb. Orta aqressiv sürücünün ümumi portreti belədir:

Yaş: Gənc sürücülər yaşlılara nisbətən daha aqressiv davranır.

Cins: Kişilər demək olar ki, bütün aqressiv davranış kateqoriyalarında qadınları üstələyir.

Avtomobil növü: Elektroavtomobil sahibləri daxili yanma mühərrikli avtomobil sürücülərinə nisbətən yolda daha çox qəzəb nümayiş etdirirlər.(lent.az)