İndiyədək “YouTube”a neçə video yüklənib?

“YouTube” bir çoxunun sevimli video platformasıdır. Burada müxtəlif film,serial, musiqi, əyləncə və s. videolarını izləmək olar. İzləyicilərlə yanaşı yayımçıların da sayı getdikcə yüksəlir. Maraqlısı budur ki, indiyə kimi bu məşhur platformaya neçə video yüklənib? 

Avtosfer.az xəbər verir ki, videobloqer Ethan Zukerman və “PushShift” xidmətinin tərtibatçısı Jason Baumgartner “YouTube” platformasına yüklənmiş bütün videoları saya biləcək skript hazırlayıblar. Sayım nəticəsində bəlli olub ki, 2006-cı ildən bəri platformaya ümumilikdə 13 325 milyard video yüklənib.

Həvəskarların təhlilinə görə platformaya təxminən 4 milyard görüntü 2023-cü ildə yüklənib ki, bu da ən yüksək nəticədir. “YouTube”a ən az video isə 2006-cı ildə yüklənilib.

Yüklənmiş bütün videoların 4 faizinin 10 mindən çox, 13 faizinin mindən az, təxminən 5 faizinin 0 baxışı var. “YouTube”da videoların əksəriyyətində bəyənmə və şərh yoxdur.

Həmçinin “YouTube”da ən populyar video dili ingilis dilidir və bütün yüklənmiş görüntülərin 32 faizini təşkil edir. İkinci yerdə hind dili(10,5%), üçüncü yerdə isə ispan(8%) dilidir.

Məhəbbət Tərlanoğlu