İnsanlar heç mövcud olmasa, planetimiz necə olardı? - VİDEO

İnsan Yer kürəsində böyük bir iz qoyur. Heç kəs üçün sirr deyil ki, bəşəriyyət planetimizin sağlamlığına mənfi təsir göstərir. Hətta kosmosa da əli çatan insan orada da özündən sonra dağ boyda zibil qoyur.

Bəs, görəsən, insan heç zaman təkamül etməsəydi, yaxud ümumiyyətlə mövcud olmasaydı, Yer kürəsi necə olardı?

BiG.AZ esoreiter.ru-ya istinadən xəbər verir ki, alimlər bunun planetin vəziyyətinə çox müsbət təsir edəcəyini iddia edirlər.

İnsan olmasayadı, bir çox zərərli faktorlar da olmayacaqdı. Məsələn, nəsli kəsilən bir çox heyvan və bitkilər hələ də mövcud olardı. Hava daha təmiz olardı, ona görə də canlıların orta ölçüsü daha böyük olardı.

Yer kürəsində həyat etalonu kimi ekspertlər Afrikanın Serengeti ekosistemini nümunə gətirirlər. Burada qədimi landşaftların qalıqları günümüzədək qorunub. İnsanların həyat səviyyəsi müasirdir, lakin onlar hələ də 2 milyon növdən ibarət ekosistemi məhv olmağa qoymurlar.

İnsanlar bir çox yerdə bu şəraiti qoruya bilərdilər, lakin bəzi mexanizm və təbii prosesləri pozaraq, planeti zədələyirlər. Bulara baxmayaraq, alimlər insan təkamülünü zəruri və qarşısıalınmaz hesab edirlər.