İtaliya hökuməti ilə istehsalçılar arasında ad və bayraq qalmaqalı

Stellantis qrupu ilə İtaliya rəhbərliyi arasında növbətii mübahisə predmeti ortaya çıxıb.

Avtosfer.az xəbər verir ki, qrupun rəhbəli Karlos Tavares hökuməti yaşıl enerjiyə keçidi dəstəkləməməkdə ittiham etmişdi. Bundan bir neçə gün sonra isə hökumət sözçüsü Stellantisin İtaliyaya kifayət qədər sərmayə qoymadığını televiziyalara bildirmişdi. 
Bu həftə isə narazılıq bayrağa görə baş verib. İtaliya hökuməti Fiat Topolino modelindən italiya bayrağınəın yığışdırılmasını tələb edib. Buna səbəb avtomobilin İtaliyada deyil, mərakeşdə istehsal olunmasıdır. Şirkət qərarı tezliklə icra etməyə razılıq verib. 
Oxşar problemlə bir müddət əvvəl Alfa Romeo da rastlaşıb. Hökumət təqdimatdan bir neçə gün öncə Milano modelinin adının dəyişdirilməsini tyələb etmişdi. Modelin adı tələsik olaraq Junior ilə əvəzlənmişdi. Səbəb avtomobilin Polşada istehsal edilməsidir.

Vüqar Yaşaroğlu