Kainatın ən böyük xəritəsi yaradılıb

Astronomlar qaranlıq enerji spektroskopik alətindən (DESI) istifadə edərək Kainatın ən böyük 3D xəritəsini yaradıblar.

İqtisadiyyat.az bu barədə “Phys.org”yə istinadən xəbər verir.

“DESI” qalaktikaların spektroqrafik astronomik tədqiqatlarını aparmaq üçün nəzərdə tutulub. Onun fokus müstəvisində optik lifləri olan 5000 robotik cihaz yerləşdirilib. Bu, bütün səmanın üçdə birindən çoxunda milyonlarla qalaktikanın rəng spektrinin ətraflı təsvirlərini çəkməyə və müxtəlif dövrlərdə kainatın genişlənmə sürətini ölçməyə imkan verəcək.

Ümumilikdə astronomlar bu cihaz vasitəsilə 37 milyon qalaktikanın xəritəsini çəkməyi planlaşdırırlar.