Koronavirus vaksini vurduranlara avtomobil veriləcək

12 iyun tarixində Moskvada koronavirus infeksiyasının yayılma sürətinə görə "uzun həftə sonu" elan edilərək karantin qaydaları sərtləşdirilməyə başlanıldı. 
Avtosfer.az Rusiya mediasına istinadən bildirir ki, vaksin vurulmasını sürətləndirmək üçün paytaxt meri Sergey Sobyanin maraqlı bir addım atıb. O, bildirib ki, 18 yaşından yuxarı vaksin vurduran vətəndaşlar arasında çəkiliş ediləcək və seçilənə avtomobil hədiyyə ediləcək.
Belə ki, 2021-ci il iyunun 14-dən iyulun 11-dək COVID-19 peyvəndinin komponentini ilk dəfə alan vətəndaşlar avtomobil tirajının iştirakçısı olacaqlar.
Həftədə bir dəfə, təqribən 1 milyon rubl dəyərində olan 5 avtomobil oynanılacaq. Mer düşünür ki, bu addımından sonra Moskva əhalisi sürətli şəkildə vaksinasiya olunacaq.

Aysel