Kəlbəcərin unikal abidəsi: Yolsuzluğa gedən körpü – FOTOLAR

Kəlbəcər ərazisindəki Hacı Əhməd (Soyuq bulaq) körpüsü Azərbaycanın ən maraqlı tarixi abidələrindən biridir. 1870-ci ildə Hacı Əhməd tərəfindən tikilən bu maraqlı körpünün o tayında yol yoxdur. Daşlar bitən kimi zolaq ensiz cığıra dönür və ağacların arası ilə dağlara, Kəlbəcərin Soyuq bulaq kəndinə tərəf aparır.

Bu o deməkdir ki, tarix boyu bu yaşayış məntəqəsinə araba belə getməyib, "nəqliyyat" isə yalnız at və qatırlardan ibarət olub.


Naməlum səbəblərdən bu abidə Azərbaycan Respublikası Nazirlər Kabinetinin 2 avqust 2001-ci il tarixli 132 saylı Qərarı ilə təsdiq edilmiş "Dünya əhəmiyyətli daşınmaz tarix və mədəniyyət abidələri"nin siyahısına daxil edilməyib...