Köhnə velosiped telefon doldurmaq üçün istifadə edilir - FOTO

Fransanın Trua şəhərindəki liseylərdən birində fizika müəllimi maraqlı eksperiment aparıb. 

Avtosfer.az-ın xəbərinə görə, müəllim dərsə köhnə velosiped gətirərək şagirdlərə deyib: bundan təkrar necə istifadə edə bilərik?

Şagirdlər müxtəlif təkliflər irəli sürsələr də, sonradan hamısı velosipeddən elektrik istehsal etməyi qərara alıb. 

Şagirdlərə bu işdə yaxınlıqdakı avtotəmir sexləri yardım edib. Onlar liseyə işlənmiş avtomobil generatoru, akkumulyator, boya və sair hədiyyə ediblər. Bat-bike adlıanan texnika indi həm telefonları doldurmaq üçün istifadə edilir, həm də idman dərsinə yarayır. Velosipedi 5 dəqiqə “sürmək” bir telefonun 1% dolması üçün kifayətdir. 

İşin maraqlı tərəfi başqadır. Yaxınlıqda yerləşən Reyms Akademiyasının rektorluğu 3 belə velosiped sifariş edib. Üstəgəl, generator-velosipedlərin hazırlanmasında iştirak edən şagirdlər buraxılış imtahanından azad edilib. Ən əsası isə, bu şagirdlər artıq Reyms Akademiyasının mexanika fakültəsinə qeydiyyata alınıblar.

Vüqar