Kompüter mütəxəssisi adı ilə gələn fransız casuslar həbs edildi

Fransa kəşfiyyatı daha bir ölkədə iflasa uğrayıb. 

Avtosfer.az xəbər verir ki, Burkina-Fasoda Fransanın Xarici Təhlükəsizilik Baş idarəsi – DGSE-nin 4 əməkdaşı saxlanılıb. Tunisin nüfuzlu “Jeune Afrique” saytının məlumatına görə, hadisədən sonra onlarla Fransa agenti Uaqaduqunu tərk edib.  

Maraqlıdır ki, Fransa hökuməti bu xəbərə reaksiya verməsə də, “Figaro” və Frans-Presin araşdırmaları faktı bir daha təsdiqləyib. Məlum olub ki, sözügedən şəxslər Afrika ölkəsinə Fransa səfirliyinin kompüter şəbəkəsindəki nasazlığı aradan qaldırmaq adı ilə daxil olublar. 4 nəfər dindirildikdən sonra həbsxanaya yerləşdirilib.
Ekspertlər diplomatik pasport sahiblərinin saxlanmasını Fransanın xarici əlaqələrinin korlanması kimi dəyərləndirirlər. 
Bu, Fransa xarici kəşfiyyatında son illərin yeganə uğursuzluğu deyil. 2022-ci ilin fevralında fransız generallar Britaniya kəşfiyyatının Ukraynada müharibə ilə bağlı xəbərdarlığını boş söhbət adlandırmışdılar. Lakin Londonun proqnozu saatınadək dəqiq çıxdıqdan sonra Makron onlarla  yüksək rütbəli kadrı vəzifədən azad etmişdi.

Vüqar