Loukosterlə uçanda nəyə diqqət olunmalıdır? - XƏRCLƏR CƏDVƏLİ

Aşağı büdcəli aviaşirkətlər səyahət imkanlarını daha da artırıb. Daha çox Avropada məşhur olan “low-coster”lər iş prinsipinə görə klassik aviaşirkətlərdən fərqlənir. Əsas fərq odur ki, tam xidmət göstərən aviaşirkətlərdə bütün xidmətlər qiymətə daxil olsa da, aşağı büdcəli aviaşirkətlərdə belə deyil. Bu səbəbdən onlarda qiymət daha ucuzdur. Eyni zamanda, büdcəli aviaşirkətlər aeroportlardan xüsusi endirim və vergi güzəşti alırlar. Misal üçün, WizzAir-in bir sərnişinə görə aeroporta ödədiyi aeroport xərcləri və vergi birlikdə təxmini 8-13 avrodur. Bu Bakıda, Kutaisidə, Odessada, London və Parisdə də eyni məbləğdir.

Bəs, “low-cost” aviaşirkətlə uçan zaman hansı detallara diqqət etmək lazımdır?

Necə etmək lazımdır ki, aeroportda arzuolunmaz xərclərlə qarşılaşmayasınız?

İlk yadda saxlamalı məqam odur ki, bu tip aviaşirkətlərin əsas qazancı əlavə xidmətlərin satışından formalaşır. Yəni bilet alanda ödənişə daxil olmayan xidmətləri sonradan sizə satmağa çalışırlar. Nəzərə alın ki, əlavə xidmətləri uçuşdan öncə onlayn alsanız daha sərəfəli olacaq. Sərişinlərin adətən əlavə pul ödədikləri xidmətləri WizzAir, RyanAir və Buta Airways-in hazırda olan minimum tarifləri ilə aşağıdakı cədvəldə göstərmişik:

Beləliklə, ən vacib əlavə xərcləri qeyd etdik. Uçuş zamanı diqqətli olun ki, əlavə xərcləriniz çıxmasın.