Marafonda qalmaqal: 258 iştirakçı cəzalandı - FOTO

Çinin Şençjen şəhərində keçirilmiş yarımarafonun təşkilatçıları 258 iştirakçını diskvalifikasiya ediblər. İş ondadır ki, onların fırıldağı üzə çıxıb. Avtosfer.az milli.az-a istinadən bildirir ki, 18 iştirakçı saxta nömrə ilə yarışa qatılıb. 3 nəfər başqa adamların adları ilə qeydiyyata düşüb. Bu 18 nəfər ömürlük diskvalifikasiyaya məruz qalıb. 258 nəfərsə yolları ayıran ağaclıqdan keçərək məsafəni azaltmağa çalışıblar. Onların saxtakarlığı müşahidə kameralarına düşüb. İki nəfərsə 21 kilometrlik yarışın 1 kilometrini "qısaltmağa" çalışıb.